مقاطع فيديو و صور مضحكة
حوار بين الزوج والزوجة :
الزوج 👨🏼 : حدديلي القمجة الليلة رايح للعرس نتاع صاحبي ..
الزوجة 👩🏻 : ويناها فيهم اللي نوجدهالك ؟
الزوجة 👩🏻 : قال عرس قال ...
الزوجة 👩🏻 : و علاش صاحبك ماعرضناش كامل معاك؟
الزوجة 👩🏻 : عرس صاحبك ولا رايح تشوف كاش وحدة ؟
الزوجة 👩🏻 : أصلاً ويناها المبخوصة لي راح تتكلح كي ما تكلحت فيك؟؟
الزوجة 👩🏻 : ديما دافنني بين اربع حيوط وانت تحوس، وكي تروح تحكم تلفونك وتلهى عليا ..
الزوجة 👩🏻 : ووعلاه داير الكود للتلفون !
الزوجة 👩🏻 : أنا البڤرة وكان راني خدامه وبانيه مستقبلي بيدي راني درت طوموبيل...
الزوجة 👩🏻 : تحسب روحك راح تخدعني بزوج دورو لي مديتهالي .. واقيلا تحسب روحك شريتني بيهم ؟
الزوجة 👩🏻 : فالح غير في واش درتي لعشا واش درتي غدا !
الزوجة 👩🏻 : ديجا وقتاش اخر مرة قلتلي كلمة طيبة.
الزوجة 👩🏻 : و صاحبك وين راح يديها لشهر العسل ، ولا لجيجل كيما خدعتني انا !
الزوجة 👩🏻 : طول عمرك مرمدني وظالمني وحاقرني وانا غير ساكتتلك !
الزوجة 👩🏻 : أنا أصلاً الامراض لي جاتني غير منك ومن القنطة لي درتهالي بصح معليش ربي راه يخلص .
الزوجة 👩🏻 : وعلاش ماكش تجيبلي واش نقلك يخي منيش مكبرة كرشي وراني نطلب غير حوايج نديرهم للدار...
الزوجة 👩🏻 : الكوزينيار لي من رمضان نحلل فيك عليها وين راهي !
الزوجة 👩🏻 : نهار ولا حوست بيا كي النسا ولا درت مزيه تديني في خرجة نحي على خاطري !
الزوجة 👩🏻 : اصلاً انا الغالطة اللي نحكي معاك !!
الزوجة 👩🏻 : تحب الصح مابقاتش هدرة معاك !
الزوجة 👩🏻 : خليني ساكته خير !
الزوجة 👩🏻 : علاه ساكت جاوبني.
.
.
.
الزوج 👨🏼 : لقمجة الزرقة 😂😂😂😂😂😂